വസന്തം

എത്ര ശ്രമിച്ചിട്ടും എത്ര പറഞ്ഞിട്ടും 

പൂക്കാന്‍ വിസമ്മതിക്കുന്ന 

ചെറു പൂമരത്തോട് 

വസന്തം വെറുപ്പോടെ

യാത്ര പറഞ്ഞു പോകും

നിശബ്ദയായ് നില്‍ക്കുന്ന പൂമരം 

ഉള്ളില്‍ പറയുന്നതിങ്ങനെയാകും,

ഒരിക്കല്‍ മാത്രം പൂക്കുന്ന മരത്തോട്

വസന്തത്തിന്റെ വര്‍ണ്ണങ്ങളെപ്പറ്റി,

വരാനിരിക്കുന്ന തേന്‍ കുരുവികളെപ്പറ്റി,

വിരിയാനിരിക്കുന്ന ഇതളുകളെപറ്റി,

കഥകള്‍ പറയുന്നുവോ?

ഒരിക്കല്‍ മാത്രം പൂത്തുലഞ്ഞവളോട്

ഇനിയും പൂക്കാന്‍ പറയുന്നോ.

കഷ്ടം. വസന്തത്തിനു കണ്ണില്ല.

വസന്തത്തിനു കണ്ണില്‍ ചോരയുമില്ല