ജനാല

തുറന്നിടാത്ത ജനാലകള്‍
പരിതപിക്കാറുണ്ട്
ഓടി വന്നു തട്ടി വീഴുന്ന
പാവം കാറ്റിനെയോര്‍ത്ത്.
സങ്കടപ്പെടാറുണ്ട്,
അകത്തു വീര്‍പ്പു മുട്ടുന്ന
ആത്മാവുള്ള ഇരുട്ടിനെയോര്‍ത്തു
ഉള്ളില്‍ ,
കട്ടിപിടിച്ച ഇരുട്ടിന്റെ ഗന്ധം
ഒഴുകുന്ന കാറ്റിനെ പ്രണയിക്കുന്നുണ്ടാവാം
തടയായ്‌ നില്‍ക്കുന്ന ജനല്പാളികള്‍
സ്വയം ശപിക്കാറുണ്ട്
കൊളുത്തുകള്‍ ഉറച്ചു പോയിരിക്കുന്നു
ഇരുട്ടും തേങ്ങുന്നുണ്ട് ,
എന്നും തേടിയെത്തി തോറ്റു പോകുന്ന
കാറ്റിനെയോര്‍ത്ത്
തന്നെ തളച്ചിട്ടുകളഞ്ഞ
അനക്കമില്ലാത്ത വിധിയെയോര്‍ത്ത്...