ചുവട്

പൂഴിയിലമര്‍ന്ന കാല്‍പാടുകള്‍ക്ക്

ഒരുപാട് കഥകള്‍ പറയാനുണ്ട്

ചെരുപ്പിന്റെ സംരക്ഷണമില്ലാതെ 

മണ്ണിനെ ചുംബിച്ച കഥ,

മണല്‍ത്തരികള്‍ പറഞ്ഞ 

യാത്രകളുടെ കഥ

താണ്ടിയെത്തിയ ദൂരങ്ങളുടെ കഥ

ഓടി നേടിയ  നേട്ടങ്ങളുടെ കഥ

ചവിട്ടിക്കയറിയ സ്വപ്ങ്ങളുടെ കഥ

ഇടര്‍ച്ചകളുടെ കഥ

പിന്തുടര്‍ച്ചകളുടെ കഥ

ഒടുവിലീ ഏകാന്തതയിലവസാനിക്കുന്ന

മടുപ്പുണര്‍ത്തുന്ന  

ചുവടു വെയ്പുകളുടെ കഥയും