കുറ്റവാളി

നേർത്ത് നേർത്ത്‌ പെയ്യുമ്പോൾ
നോക്കിയിരിക്കാനൊരു സുഖമാണ്.
ഒന്നൂടെയുറക്കെ ചാറുമ്പോൾ
നനയലൊരു നിർവൃതിയാണ്.
കുറച്ചൂടെ ശക്തിയിൽ പെയ്താൽ
ഇറയത്തു നിന്ന് കൈകൾ നീളും.
പിന്നെയും പെയ്ത്ത് മുറുകിയാൽ
രൂക്ഷമായ് നോക്കി തുടങ്ങും.
ആരോ കൊതിച്ചിട്ടാണ്
നീ പെയ്തു തുടങ്ങിയതെങ്കിലും
ഒന്ന് മടുക്കുമ്പോഴേക്കും
കുറ്റപ്പെടുത്തലുകൾക്ക് ഇര
എന്നും നീ തന്നെയായിരിക്കും.