ലജ്ജ

ചീന്തപ്പെട്ട ഉടയാടകളിലെ
ഓരോരോ നൂലിഴയും

ആര്ത്തലച്ചൊന്ന് കരയുവാനായ്
കുറേയേറെ പരിശ്രമിച്ചിട്ടുണ്ടാ­കാം
പരസ്പരം അകലാതിരിക്കാന്,

നൂലിഴ ബന്ധം മുറിയാതിരിക്കാന്
നിശ്ശബ്ദമായ് പ്രാര്ഥിച്ചിരിക്കാം.. 

ചോര പുരളാതെ രക്ഷപ്പെട്ടോടിയ
തുണിക്കഷ്ണങ്ങളെയൊക്കെയും
അവശേഷിപ്പുകള് ശപിച്ചിട്ടുണ്ടാകും.
വേദനിക്കുന്ന മേനിയെ
പൊതിയാന് ശ്രമിക്കുന്നതിനിടയില്
അകത്തിരുന്ന് വേവുന്ന
പാവം ഹൃദയത്തെ ആശ്വസിപ്പിക്കാന്
വൃഥാ കൊതിച്ചും കാണാം.
നിയമപുസ്തകത്തിലെ അക്ഷരങ്ങള്
മങ്ങിപ്പോയതിനാലാവും 

നാമതൊക്കെയും അറിയാതെയും പോയി.

e-mashi @ മലയാളം ബ്ലോഗേഴ്സ്