തന്‍കുഞ്ഞ്

ആറ്റുനോറ്റ് കാത്തിരുന്ന
കുഞ്ഞുങ്ങളെ
മുട്ടക്കുള്ളില്‍ വച്ചു തന്നെ
എറിഞ്ഞുകൊന്നവനെ
കൊത്താതെ വിടില്ലൊരു
ഹൃദയമുള്ള കാക്കയും.
പണ്ടെന്നോ,
രണ്ടു വറ്റ് എറിഞ്ഞു തന്ന
നന്ദിയുടെ പേരിലായാലും
കൊത്താതെ വിടില്ല
കൂടെയുള്ള കാക്കകളും.
ആഞ്ഞാഞ്ഞു കൊത്തും.
കവണയില്‍ നിന്നാഞ്ഞു വരുന്ന
കല്ലേറു കൊണ്ട്
ചത്തു വീഴും വരെ.
എറിഞ്ഞു കിട്ടിയ രണ്ടു വറ്റ്,
കാത്തു വച്ച പൊന്‍കുഞ്ഞ്.
ചിന്തിച്ചാലറിയാം,
ഏതാണ് വലുതെന്ന്‍....