രാക്കിനാവ്

ഉള്ളില്‍ ഊറിക്കിടന്ന
പ്രണയത്തിന്റെ നനവില്‍
നിന്നെയലിയിക്കാന്‍
അറിയാതെ കൊതിച്ചു പോയ്‌.
കിനാവുകള്‍ താരകളായ് തുന്നിയ
പ്രണയത്തിന്റെ ആകാശം
നിനക്കായ് ഞാന്‍ വരച്ചു തുടങ്ങി.
നിന്നെയോര്‍ത്ത് മാത്രം
തിളങ്ങുന്ന താരകള്‍,
നിനക്കായ് ഒരുക്കപ്പെട്ട
സ്വര്‍ണ്ണ കിനാക്കള്‍.
നിന്നെ പുതപ്പിക്കാനായുള്ള
സ്നേഹവിഹായസ്സ്.
ഒരുപാട് കാത്തിരുന്നു നോക്കി,
പ്രഭാതമാണ്‌ വന്നത്, നീയല്ല.
നക്ഷത്രക്കിനാക്കളെ
വെയില്‍ കൊണ്ട് മൂടിക്കളഞ്ഞ
യാഥാർത്ഥ്യങ്ങളുടെ പകല്‍!